Çempionlar Liqasında C qrupunda “Ayaks” doğma arenada “Beşiktaş”a qalib gəlib. Meydan sahibləri ilk hissədə vurduğu 2 qolla qələbə qazanıblar. Stiven Berqeys və Sebastian Alle fərqləniblər. Fasilədən sonra tərəflərin səylərinə baxmayaraq qapılara top vurulmayıb: “Ayaks” – “Beşiktaş” 2:0
Qrupun Dortmundda keçirilən “Borussiya” – “Sportinq” qarşılaşmasında da ev sahibi komanda qələbə qazanıb. Donyel Malenin vurduğu qol sayəsində Almaniya klubu minimal hesabla qalib gəlib.
Hazırda “Ayaks” və “Borussiya Dortmund” 6 xalla qrupa başçılıq edirlər. Növbəti turda məhz elə bu komandalar Amsterdamda üz-üzə gələcəklər. Hər 2 oyunda uduzan autsayderlər – “Sportinq” və “Beşiktaş” isə İstanbulda qarşılaşacaqlar.